现年81岁的吴耀汉是香港知名喜剧演员，电影方面代表作有《五福星》系列，电视则有整蛊节目《吴耀汉搅搅震》，皆为观众所熟悉。 吴耀汉近年仍有参与电影拍摄，可是产量不多，皆因年纪大、身体出现不少毛病，更曾因心脏血管栓塞要做手术，而肾功能只剩约一成，每日要洗肚4次。 今次他接受郑丹瑞《健康旦》的访问，更透露其听力衰退，下降大约有七成，现在两边耳均需要戴助听器。

吴耀汉承认年纪大越多毛病。 （健康旦 YouTube截图）

由阿旦访问。 （健康旦 YouTube截图）

谈到何时开始觉得听力衰退？ 吴耀汉说：「其实我谂我同好多老人家一样，就系我哋唔承认呢个缺憾，可能十几、廿年前开始有问题，屋企啲音响会越嚟越大声，听电话时就成日『喂，咩话』，即系自己唔为意，你听得唔清楚，自己又会大声啲，呢个情况可以系慢慢，有成十年咁长，系一个退化期。 我就一路唔理佢，到我知系问题都唔理佢，唔理佢咁点呢？ 屋企（音量）就大声啲，我老婆就惨，佢就啱啱相反，佢听觉好尖锐，成家人就要忍受呢个好响（声音），睇电视你可以较好（音量）适应自己，有啲声音就唔得，唔可以较大，成日听唔到电话，老婆话'你电话响'，哈哈哈！」

吴耀汉最终也接受这个「缺憾」，明白年纪大会陆续有很多病出现，「我呢啲系年纪大嘅问题，系神经退化，而家两边（听力）下降咗大概70%，但唔系全部下降，系某一啲音听唔到，有啲音就听得好清楚，有大有细...... 而家活在我嘅年纪，啲病会陆续嚟，啲零件都要换。 （最初戴助听器有否不惯？ ）最初开始时系死硬颈，直情唔肯戴，直至老婆忍唔到，买咗一个（助听器），我点解唔戴2个系嫌佢烦，以为戴1个就ok，几好都听到，后来戴戴吓都要2个，哈哈哈！ 其实系自己呃自己，2个直情系无得顶。 同埋而家有个app可以较大细声，有咗呢2个嘢之后觉得，真系可以（听）咁清楚嘅。」

至于有甚么忠告给不肯戴助听器的硬颈派，吴耀汉笑说：「我发觉唔一定系女人硬颈、惊畀人睇到，系啲男人先至硬颈话费事，咩叫费事？ 听得唔好系你蚀底喎，你睇戏又听唔晒，唔到你话费事，男人就系咁样。 无可避免个个人听觉系越来越差，你谂住去整1个（助听器），不如整2个，好多人话几十岁男人惊唔好睇，惊畀人睇到有嚿嘢喺后面，边睇到？ （过马路时听不到司机响号仲危险？ ）听唔到㗎，好危险！ 呢个病系无人知，你无办法解释，人哋遇到你、你又唔知，以为叫你唔睬人，而家无呢啲问题，一天都光晒。」